SoLa 2024: Tag 6 'Wüesti'

Was füren Tag! Ide Nacht simmer dur luuti Warnsignal gweckt worde.🚨 Euses Spiel isch kaputt und alles isch durenand. Entsprechend het de Tag sehr chaotisch gstarted. Alli Spielcharakter sind nachem ufstah verschwunde gsi und denn hemmer zerst mal Znacht gesse, natürli ohni Bsteck.🍝

Zum die kaputte Spielcharakter z heile hemmer denn verschiedeni lungarbischi Heilkräft wie Salbi, Duftkerze oder Krütersalz hergstellt.🕯Leider hend au die eusi Spielcharaktere nöd chönne heile.. Drum lauft in Lungarbi wiiterhin alles schief. 🆘 So au bimne Spielturnier am Nomittag, wo Regle chli nach Lust und Luune erfunde worde sind. E Wasserschlacht het denn für die richtig Abküehlig gsorgt.🔫

Nachme feine Zmorge isches denn mitme kunterbunte lustige Abig mit verschiedene Spieli und Challenges wiitergange. 🥽 De Peter Plappermund het denn ufdeckt, dass de Silas wohl Schuld isch a dem ganze Durenand. De Silas het denn gstande, dass er s letzte Steistück gfälscht het. Uf eimal het alles wieder Sinn gmacht. 💡

Denn hemmer au s richtige Steistück chönne is Lungarbi-Spiel isetze.