SoLa 2024: Tag 7 'Oase'

Miteme tolle Morgesport simmer hüt in Tag gstartet. Nachher hemmer alles rund um Kommunikation glernt. Vo Morsezeiche über Gebärdesprach bis zu Rauchzeiche isch alles mit debii gsi. 📜

Nachere erfolgriiche Suechi hemmer schlussendlich s' dritti und somit letschti Steiteil gfunde und hend s'Gliichgwicht in Lungarbi wieder chönne herstelle. Jupiii!🥳 Wills eus aber in Lungarbi so guet gfallt, hend sich Chind entschiede zum no en Tag länger da blibe und nonig usem Spiel usbreche. Au de Leiter gfallts sehr guet, bsunders wo sie sich am Mittag mal vode Chind hend dörfe bediene lah. Nachem Z'Mittag hemmer am Rege trotzt und hend verschiedeni Völkturnier gspielt. 🏐

Am Abig hemmer no e grossi Abschlussparty mit de Dorfbewohner vo Lungarbi gfiiret, bevor mir denn endgültig usem Spiel use gange sind. 🪩